Finna.fi viiddida bálvalusas davvisámegielagiidda
Suoma kultuvrra ja diehtaga njunuš ohcanbálvalus Finna.fi gávdno dál maiddái davvisámegillii. Davvisámegielagat besset vuosttas háve geavahit girjerájuid, arkiivvaid ja museaid neahttasisdoaluid ja -bálvalusaid iežaset eatnigillii.
Finna.fi-ohcanbálvalusa sisdoalut ja bálvalusat guoskkahit iešguđegelágan eallinmuttuid. Dan vehkiin lea álki ohcat girjjálašvuođa, dutkamušdieđu, museaid ja arkiivvaid ártnaid ja oahppomateriálaid.
“Davvisámegiel ohcanbálvalus doarju sápmelaččaid gielalaš ja kultuvrralaš ovttaveardásašvuođa ja buorida sámegielaid oidnoma riikkaviidosaččat. Sápmelaččain badjel 60 proseantta ássá sámeguovllu olggobealde. Lea hui buorre ahte dál mii beassat oahpásmuvvat iežamet kulturárbemateriálaide ja geavahit girjerádjobálvalusaid eatnigillii beroškeahttá das, gos orrut”, muitala diehtoáššedovdi Mari Guttorm Álbmotgirjerájus.
Sámedikki stivralahttu Tauno Ljetoff mielde Finna.fi-bálvalusa almmustahttin davvisámegillii lea dehálaš lávki ovddosguvlui:
"Álbmotgirjerádju lea dihkkadan luotta ja čájehan ovdamearkkainis ahte maiddái unnit gielat ánssášit oidnot ja gullot, ja mo dehálaš lea sáhttit geavahit bálvalusaid iežas gillii. Jáhkán, ahte dán almmustahttima mielde olbmot ohcagohtet hearkkibut dieđu iežaset sogain, máttuin, ruovttuguovllus ja dávviriin. Sáhttáge jurddašit ahte Finna.fi materiálat bohtet dál ovtta láhkai ruovttoluotta, lagabui sápmelaččaid.”
Tipssat dieđu ohcamii
Finna.fi:s leat materiálat miljovnnaid mielde, Finnas lea diehtaga ja kultuvrra vallji. Ohcama sáhttá iskat ovdamearkka dihtii fáddásániiguin dahje olbmo- dahje báikenamaiguin.
Dáid ohcanliŋkkaid bokte sáhtát vuolgit oahpásmuvvat sámekultuvrra materiálaide:
- Girjjálašvuohta ja dutkamušat duoji birra
- Sámemusihkka
- Davvisámegiel girjjálašvuohta
- Davvisámegiel bláđit ja artihkkalat
- Davvisámegiel oahppočájánasat
Oassi materiálas gávdno njuolga ohcanbálvalusa bokte ja muhtin materiálat gávdnojit ovdamearkka dihtii báikki alde girjerájus.
Amma fuomášat, ahte eanáš oassi Finna materiálain lea suomagillii. Ohcan lea goittotge buoriduvvon vai bálvalusa sáhttá geavahit maiddái davvisámegiel ohcansániiguin. Jus háliida, Finna ohcama sáhttá ráddjet giela mielde dušše davvisámegiel materiálii.
Lasi davvisámegiel ohcanbálvalusat boađi boađi
Finna.fi lea Álbmotgirjeráju Finna-bálvalusaid oassi. Finna fállá girjerájuide, museaide ja arkiivvaide vejolašvuođa ráhkadit neahttabálvalusaid, mat leat ráddjejuvvon sin iežaset materiálaide. Ovdamearkka dihtii máŋggat Suoma almmolaš girjerájut geavahit Finna neahttagirjerájuideaset vuođđun. Ođđa giellajorgalus dahká vejolažžan dáid neahttabálvalusaid fállama davvisámegillii, mii buorida olu sápmelaččaid gielalaš ovttaveardásašvuođa.
Váldegottálaš Finna.fi-ohcanbálvalusain oktanaga iežaset ollásit davvisámegielat geavaheaddji dihtorlavttaid almmustahttet Sámemusea Siida ja Lappi girjerádju.
Finna-bálvalusaid jorgalus davvisámegillii lea oassi Álbmotgirjeráju Sámegielaid doarjja digitála bálvalusain -fitnu, man ruhtada Alfred Kordelina foanda.
Avainsanat
Yhteyshenkilöt
Lassedieđut:
Mari Guttorm, diehtoáššedovdi, Álbmotgirjerádju, tel. 029 412 3719, mari.guttorm(at)helsinki.fi
Tauno Ljetoff, Sámegielaid doarjja digitála bálvalusain -fitnu stivrenjoavkku ságajođiheaddji ja Sámedikki stivralahttu, tel. 040 589 3249, tauno.ljetoff(at)gmail.com
Helsingin yliopiston mediapalvelu
Puh:02941 22622mediapalvelu@helsinki.fiKuvat
Finna oanehaččat
Finna lea Suoma kultur- ja dieđamateriálaid ruoktu. Finna.fi čohkke čuđiid museaid, girjerájuid ja arkiivvaid materiálaid ovtta čujuhussii, gos daid gurrii beassá álkket ja johtilit. Dan lassin Finna fállá neahttabálvalusvuođu, mainna iešguđet doaibmit sáhttet ráhkadit iežas elektrovnnalaš ohcanbálvalusa dahje ovdamearkka dihtii neahttagirjeráju. Buohkanassii Finna bálvala 60 miljovnna neahttagalledeaddji jagis. Bálvalus ovddiduvvo Álbmotgirjerájus ja dan ruhtada oahpahus- ja kulturministeriija.
Tilaa tiedotteet sähköpostiisi
Haluatko tietää asioista ensimmäisten joukossa? Kun tilaat tiedotteemme, saat ne sähköpostiisi välittömästi julkaisuhetkellä. Tilauksen voit halutessasi perua milloin tahansa.
Lue lisää julkaisijalta Helsingin yliopisto
Asteroidin törmäysuhka-arviot Maahan ja Kuuhun tarkentuneet2.4.2025 12:23:06 EEST | Tiedote
Kansainvälinen tutkijaryhmä seuraa parhaillaan tarkasti Maan lähiasteroidia 2024 YR4. Viimeisimpien havaintojen perusteella asteroidin törmäystodennäköisyys Maahan vuonna 2032 pieneni 3 prosentista alle 0,001 prosenttiin.
Sukeltajakuoriaiset kertovat kaupunkiluonnon monimuotoisuudesta2.4.2025 08:59:09 EEST | Tiedote
Lammen rantojen ruoppaus tai vesikasvien poisto voivat vaarantaa sukeltajakuoriaisten elinoloja.
Vuoden dosentti 2025 on Esko M. Laine1.4.2025 17:00:00 EEST | Tiedote
Helsingin yliopiston dosenttiyhdistys on valinnut vuoden 2025 dosentiksi ma. yliopistonlehtorin, kirkkohistorian dosentti, teologian tohtorin Esko M. Laineen.
Helsingin yliopiston sijoitustoiminta menestyi erinomaisesti vuonna 202431.3.2025 09:10:33 EEST | Tiedote
Sijoitustoiminnan tuotto oli yli 18 prosenttia ja sijoitusvarallisuus kasvoi 122 miljoonaa euroa. Sijoitusraportti 2024 on julkaistu.
Rahapelilainsäädäntö: asiantuntijoita medialle27.3.2025 13:27:49 EET | Tiedote
Helsingin yliopisto on julkaissut tutkimuksen perustuvan politiikkasuosituksen rahapelilainsäädännöstä. Tutkimustieto osoittaa selvästi, että rahapelien markkinointia on säädeltävä huomattavasti uutta lakiehdotusta tiukemmin haittojen ehkäisemiseksi.
Uutishuoneessa voit lukea tiedotteitamme ja muuta julkaisemaamme materiaalia. Löydät sieltä niin yhteyshenkilöidemme tiedot kuin vapaasti julkaistavissa olevia kuvia ja videoita. Uutishuoneessa voit nähdä myös sosiaalisen median sisältöjä. Kaikki tiedotepalvelussa julkaistu materiaali on vapaasti median käytettävissä.
Tutustu uutishuoneeseemme