Aanaar já Suáđigil palvâlemsoojij ávusorroomääigih muttojeh

Vyesimáánu rääjist Kela palvâlemsaajeest Anarist finnee persovnlii ravvim ääigiväridemttáá koskohoi tme 10–12. Aanaar palvâlemsaje lii Avelist čujottâsâst Petsamontie 3.

Suáđigilist vuod finnee persovnlii ravvim ääigiväridemttáá vuossaargâi tme 10–12. Suáđigil palvâlemsaje lii čujottâsâst Karistamontie 4.

– Mij muttep ávusorroomaaigijd, ko äššigâsâi palvâlemtáárbuh láá muttum já palvâlemsaajeest ášástâllâm lii kiäppánâm, muštâl Kela tave äššigâspalvâlemohtâduv hovdâ Anne Penttilä.

Kela–ääših hoittájuvvojeh iänááš neetist já puhelimist.

Masa puoh Kela-aašijd puáhtá hoittáđ meid neetist tâi puhelimist. Kela persovnäššigâssáid uáivildum ášástâllâmpalvâlusâst ađai MuuKelast puáhtá uuccâđ hiäđuid, vuolgâttiđ lahtosijd já almottiđ nubástusâin. MuuKelast puáhtá meid tärhistiđ jieijâs ucâmuš tile já hiäđui máksupeeivijd. MuuKelan čáládâttoo nettipaŋkkitubdâlduvâiguin, moobiilvisásmitmáin teikâ visásmittemkorttáin.

Puhelinpalvâlusâst äššigâs finnee persovnlii ravvim nettiášástâlmân já ucâmuš rähtimân. Kela puhelinpalvâlus lii ávus jyehi argâpeeivi tme 9–16. Táárbu mield puhelinpalvâlusâst puáhtá meid kyeđđiđ njálmálii ucâmuš, jis mihheen eres ášástâllâmvyehi ij lah máhđulâš. Eellimtilekuáhtásiih palvâlemnumereh kávnojeh čujottâsâst www.kela.fi/soita-kelaan.

Kela puhelinpalvâlusân puáhtá meid väridiđ ääigi, kuás Kelast suáittih äššigâsân soppum ääigi. Ääigi puáhtá väridiđ neetist tâi suáittimáin puhelinpalvâlusân.

Äššigâs puáhtá ášástâllâđ puhelin peht meid sämikielân. Sämikielâlii puhelinpalvâlusân kuáđđoo ohtâvuotâväldimtáttum vuolgâtmáin šleđgâpoostâ čujottâsân saame@kela.fi.

Luuvâ lase

• Uáppáásm nettiášástâlmân
• Suáiti puhelinpalvâlusân (suomâkielân)
• Väärrid ääigi puhelinpalvâlusân (suomâkielân)
• Uáppáásm sämikielâlii palvâlusân